قمار بازی کرتے پانچ گرفتار

لکھنؤ۔(نامہ نگار)۔ امین آباد پولیس نے پانچ قمار بازوں کو ہار جیت کی بازی لگاتے ہوئے عوامی مقام سے گرفتار کر لیا۔ ان لوگوں کے پاس سے کل گیارہ ہزار روپئے اور تاش کے پتے برآمدہوئے ہیں۔ ایس آئی توفیق خان نے بتایا کہ بدھ کی شب کھن کھن جی جویلرس کے نزدیک گلی میںپانچ لوگ قمار بازی کر رہے تھے۔ پولیس کو اس بات کی اطلاع ملی۔ موقع پر پہنچی پولیس نے ان پانچوں کوچا روں طرف سے گھیر کر گرفتار کر لیا۔ پوچھ گچھ میں ان لوگوں نے اپنا نام سنجیو، راجندر، رجنیش، دیپک اور شوبھم بتایا۔ توفیق خان نے ان لوگوں کے پاس سے گیارہ ہزار روپئے نقد اور تاش کے پتے برآمد کئے ہیں۔