لکھنؤ۔(نامہ نگار)۔سعادت گنج پولیس نے تین افراد کو قمار بازی کرتے گرفتار کر لیا ۔ تلاشی کے دوران لوگوں کے قبضہ سے ایک ہزار روپئے نقد برآمد ہوئے۔ سعادت گنج پولیس کے ایک ترجمان نے بتایا کہ بدھ کی رات یاسین گنج علاقہ سے پولیس نے تین لوگوں کو قمار بازی کرتے ہوئے گرفتار کر لیا۔ پوچھ گچھ کے دوران انہوں نے اپنا نام یاسین گنج کا باشندہ رام کمار ، احسان اور طارق بتایا۔ پولیس نے جب تینوں بدمعاشوں کی جامع تلاشی لی تو ان کے قبضہ سے ایک ہزار روپئے نقد برآمد ہوئے۔
