لالو 69 سال کے ہوئے ، آر جے ڈی میں جشن کا ماحول

پٹنہ:بہار کے وزیر اعلی نتیش کمار سمیت کئی رہنماؤں نے راشٹریہ جنتا دل (آر جے ڈی) کے صدر لالو پرساد یادو کے آج 6 ان کی69 ویں سالگرہ پر
مبارک باد پیش کی ۔
مسٹر یادو نے اپنے 69 ویں سالگرہ کے موقع پر یہاں 10 سرکلر روڈ پر واقع سابق وزیر اعلی کی سرکاری رہائش گاہ پر 69 پونڈ کا کیک کاٹا۔ اس موقع پر ان کی اہلیہ سابق وزیر اعلی
محترمہ رابڑی دیوی، بڑے بیٹے وزیر صحت تیج پرتاپ یادو، چھوٹے بیٹے اور نائب وزیر اعلی تیجسوی یادو نے کیک کھلا کر انہیں مبارک باد پیش کی۔
وزیر اعلی نتیش کمار بھی مسٹر یادو کی رہائش گاہ پر پہنچے جہاں دونوں ایک دوسرے سے گلے ملے ۔ اس کے بعد مسٹر یادو نے وزیر اعلی کو کیک کھلایا۔
بعدازاں، مسٹر کمار نے آر جے ڈی صدر کی لمبی عمر کی دعا کی اور انہیں مبارکباد پیش کی۔
انہوں نے کہا کہ مسٹر یادو اپنے محنت کے بل پر ہی آج اس مقام تک پہنچے ہیں۔ سیاسی میدان میں مسٹر یادو چوٹی پر پہنچیں یہی ان کی خواہش ہے ۔