للت مودی گروپ عدالت کی پناہ میں پہنچا

جے پور۔راجستھان کرکٹ ایسوسی ایشن(آرسی اے) میں الزام تراشیوں کے دور کے درمیان للت مودی گروپ بھارتیہ جنتا پارٹی کے اقلیتی سیل کے لیڈر امین پٹھان اور کچھ دوسرے کے خلاف ہائی کورٹ کی پناہ میں چلا گیا ہے۔ پٹھان اور دیگر لوگوں نے یہ تجویز لا کر مبینہ طور پر آئی پی ایل کے سابق کمشنر مودی کو ہٹا دیا تھا۔ آرسی اے کے نائب صدر محمودعابدی اور 11 دیگر نے راجستھان حکومت، راجستھان حکومت کے چیف سکریٹری، پولیس کمشنر، ایس ایچ او جیوتی نگر، پٹھان، شکتی سنگھ اور محمد اقبال کے خلاف رٹ پٹیشن دائر کرتے ہوئے دعوی کیا ہے کہ وہ قیادت میں تقریبا 100 لوگوں کی بھیڑ آرسی اے دفتر میں زبردستی گھس آئی اور ان کے خلاف کوئی کارروائی نہیں کی گئی۔اس کے علاوہ پٹھان اور شکتی نے خود کو بالترتیب قائم مقام صدر اور قائم مقام سیکرٹری اعلان کرتے ہوئے دعوی کیا کہ انہوں نے مودی اور سمیندر تیواری کو ان عہدوں سے ہٹا دیا ہے۔