لندن میں چیرٹی کیلئے پروگرام کریں گے یوراج سنگھ

  لندن۔ہندوستانی بلے باز یوراج سنگھ کینسر متاثرین کیلئے پیسے جمع کرنے کے ارادے سے یہاں 14 جولائی کو چیرٹی نیلامی کا انعقاد کریں گے۔یہ نیلامی پارک لین لندن ہلٹن میں وراٹ کوہلی، سچن تندولکر، کیون پیٹرسن، راہل دراوڑ اور سورو گنگولی جیسے لیڈروں کی موجودگی میں ہوگی۔ اس دوران کرکٹ کی جن یادگار چیزوں کی نیلامی کی جائے گی اس میں سچن تندولکر کی وہ ٹی شرٹ بھی شامل ہے جو انہوں نے اپنے 200 ویں ٹیسٹ میچ کے دوران پہنا تھا۔ اس کے علاوہ یوراج کے ساتھ ڈنر اور پریکٹس سیشن میں حصہ لینے کا موقع بھی ملے گا۔ اس پروگرام سے ہونے والی کمائی یوراج کی کینسر چیرٹی’یوی کین‘ کو دی جائے گی جس کا مقصد اس جان لیوا بیماری کے فی لوگوں کو بیدار کرنا ہے اور کینسر متاثرین کیلئے مفت جانچ کا انعقاد کرنا ہے۔ اس کے علاوہ ہندوستان کے سب سے مشہورمزاحیہ کپل شرما کے خصوصی شو منعقد بھی اس پروگرام کے دوران کیا جائے گا۔