لنگا کے بعد رجنی کانت اور سوناکشی سنہا مرگاداس کی نئی فلم میں

اکشے کمار اسٹار ہالی ڈے کے بعد اب سوناکشی سنہا کو مرکزی کردار میں لے کر ڈائرکٹر اے آر مرگاداس ایک فلم بنانے جارہے ہیں ۔ اپنی کامیابی کے لئے وہ بے حد مشہور ہیں۔ انہوں نے عامر خان کو لے کر سوپر ہٹ ایکشن فلم گجنی بنائی تھی۔ خبر ہے کہ اب جلد ہی رجنی کانت ان کی فلم میں مرکزی کردار ادا کرتے ہوئے دکھائی دے سکتے ہیں۔ اس تمل فلم کا نام ابھی رکھا نہیں گیا ہے۔ اس کا پروڈکشن آسکر روی چین کی جانب سے کیا جارہا ہے۔ اس سال کے آخر تک اس کی شوٹنگ شروع ہوسکتی ہے۔ روی چین نے کہا ہے کہ رجنی کانت سے اس سلسلہ میں بات چیت چل رہی ہے۔ اب تک تو وہ رضامند ہی ہیں۔ روی چین کی فلم رامنا کاڈئرکشن بھی مرگاداس نے ہی کیا تھا۔ رجنی کی پچھلی فلم لنگا تھی۔وہیں دوسری جانب گجنی فیم ڈائرکٹر اے آر مرگاداس کی فلم میں سوناکشی سنہا اپنے والد اداکار شترو گھن سنہا کے ساتھ دیکھی جائیں گی۔ اس فلم میں شترو مختصر لیکن اہم اور پاورفل رول نبھا رہے ہیں اور سوناکشی کی مرگاداس کے ساتھ ہالی ڈے کے بعد یہ دوسری فلم ہوگی۔ مرگاداس کی اس فلم کی شوٹنگ کا آغاز ہو چکا ہے جس میں ہیپی نیو ایئر میں چھوٹا سا رول نبھانے والے انوراگ کشپ اس فلم میں بڑا رول نبھائیں گے۔ مرگاداس کی سوناکشی اسٹار یہ فلم مکمل ہیروئین اورینٹیڈ ہوگی جو زبردست ایکشن اور مارشل آرٹس پر مبنی ہوگی۔ بلکہ ایکشن کے اعتبار سے
سوناکشی کو اب تک خطرناک اسٹنٹس پرفارم کرتے ہوئے دیکھا جائے گا۔ فلم کا نام ’’اکیرا‘‘ رکھا گیا ہے۔