لوگوں کی مد د سے پولیس نے د ولٹیروں کو کیا گرفتار

لکھنؤ(نامہ نگار)غازی پور کے کلیوا تراہے کے نزدیک ایک خاتون سے پرس لوٹ کر فرار ہو رہے موٹرسائیکل سوار دو لٹیروں کو غازی پور پولیس نے لوگوں کی مدد سے دوڑا کر پکڑ لیا۔ انسپکٹر غازی پور اجیت سنگھ چوہان نے بتایا کہ جمعرات کی شام کلیوا تراہے کے نزدیک موٹرسائیکل سوار دوبدمعاشوں نے ایک خاتون سے پرس چھیننے کی کوشش کی۔ خاتون کے شور مچانے پر موٹرسائیکل سوار بدمعاش خاتون کا بیگ چھوڑکر فرار ہونے لگے۔ اسی درمیان مقامی لوگو
ں نے بدمعاشوں کو دوڑا لیا۔ غازی پور پولیس بھی موقع پر پہنچ گئی، پولیس نے مقامی لوگوں کی مدد سے موٹرسائیکل سوار دونوں لٹیروں کو گرفت میں لے لیا۔ تلاشی کے دوران ان کے قبضے سے ایک طمنچہ، کارتوس اور ۵۰۰ روپئے ملے۔ پوچھ گچھ میں پکڑے گئے لٹیروں نے اپنا نام پیپر مل کالونی کا نونیت سائمن اور گومتی نگر کا راج کمار گوتم بتایا۔دونوں نے ایک ماہ قبل اندرا نگر علاقہ میں ایک خاتون کے گلے سے سونے کی چین چھیننے کی بات قبول کی ہے۔ برآمد موٹرسائیکل لٹیروں کی ہے جس کو ان لوگوں نے بینک سے قرض پر لی تھی۔