لین دین کے تنازعہ میں تین لوگوں کا گولی مار کر قتل، دو زخمی

مظفرنگر: اترپردیش میں ضلع مظفرنگر کے شہر کوتوالی علاقہ میں کل دیر رات لین دین کے تنازعہ میں چند لوگوں نے تین لوگوں کوگولی مار کر قتل کردیا۔اس واقعہ میں دو افراد زخمی بھی ہوئے ہیں۔ پولس ذرائع نے آج یہاں بتایا کہ کوتوالی علاقے میں داروغہ کی کوٹھی کھالاپار کے باشندے رشید اور اسلام کے فریقوں کے لوگوں کے درمیان لین دین کے معاملے میں رات تقریبا 11 بجے تنازعہ ہو گیا۔ بات بڑھنے پر رشید کے لوگوں نے طنچے سے گولی فائرنگ کر کے پانچ افراد کو زخمی کر دیا۔ زخمی اسلام (60) گل شیر(30) اور اختر (30) کی موت ہوگئی۔ جبکہ زخمی نسیم اور شمشیر کو علاج کے لئے اسپتال بھیج دیا گیا ہے ۔واقعہ کے بعد علاقے میں کشیدگی کے پیش نظر احتیاطا پولس فورس تعینات کر دی گئی ہے ۔ پولیس ملزموں کی تلاش کر رہی ہے ۔