لین دین کے جھگڑے میں دوکاندار بھائیوں کو گولی ماری

الہ آباد، 30 جون (یو این آئی) اترپردیش میں الہ آباد کے دھومن گنج علاقہ میں کل رات جوتا خریدنے کے دوران ہوئے جھگڑے میں ایک نوجوان نے دو دوکاندار بھائیوں کو گولی مارکر زخمی کردیا۔
پولیس کے مطابق دھومن گنج علاقہ میں دوکان پر دو نوجوان جوتے خریدنے آئے ۔ اس دوران دوکان کے مالک آشیش اور اس کے بھائی آکاش کے ساتھ ان کی تلخ کلامی ہوگئی۔
بات بڑھنے پر جوتا خریدنے آئے نوجوان نے دونوں کو اپنی پستول سے گولی مار دی اور فرار ہوگئے ۔ دونوں زخمیوں کو اسپتال میں داخل کرایا گیا ہے ۔
انہوں نے بتایا کہ پولیس سی سی ٹی وی کمیرے کی فلم دیکھ کر ملزمان کو تلاش کررہی ہے ۔