ماونواز ایریا کمانڈر لائٹرجی گرفتار

پٹنہ، 26 نومبر: بہار میں اس ضلع کے پالی گنج تھانہ علاقے میں دریاپور گاوں سے پولیس نے کل رات ہندوستان کمیونسٹ پارٹی (ماونواز) کے ایریا کمانڈر یوگیندر روی داس عرف لائٹرجی کو گرفتار کرلیا۔پولیس کے ذرائع نے آج یہاں بتایا کہ ماونواز ایریا کمانڈر یوگیندر کی دریاپور علاقے میں موجودگی کی اطلاع کی بنیاد پر پولیس نے مذکورہ گاوں کا محاصرہ کرکے اس ماونواز کو گرفتار کرلیا۔ذرائع نے بتایا کہ گرفتار ماونواز ایریا کمانڈر کے خلاف ضلع کے پالی گنج ، بھگوان گنج اور سوڈھی کے علاوہ جہان آباد کے کئی تھانوں میں دہشت گردی سے متعلق 12 سے زائد معاملے درج ہیں۔ یہ انتہاپسند گذشتہ پانچ برسوں سے فرار تھا۔ پولیس اس سے پوچھ تاچھ کررہی ہے۔