لکھنؤ(بیورو)بی ایس پی کی قومی صدر مایاوتی اپنی پارٹی کے امیدواروں کی حمایت میں ۱۱؍اپریل کو بریلی کے بھولا پور واقع بابا رام داس پی جی کالج اورشاہجہانپور کے نگوہی ویسل پور روڈ پر واقع کیموا پل کے نزدیک واقع میدان میںعوامی جلسوں کو خطاب کریںگی۔ مایاوتی نے ملک میں ۱۶ویں پارلیمنٹ کیلئے ہو رہے عام انتخابات کے سلسلہ میں اپنی پارٹی کی قومی مہم ۲۲مارچ کو جھارکھنڈ اور راجدھانی رانچی میں انتخابی جلسوںکو خطاب کرتے ہوئے شروع کی تھی اور اس سلسلہ میں انہوںنے اڑیسہ، ہریانہ، مہاراشٹر، بہار، چنڈی گڑھ، مغربی بنگال، جموں وکشمیر، مدھیہ پردیش، دہلی اور راجستھان میں کئی انتخابی عوامی جلسوں کو خطاب کرچکی ہیں۔ اب آئندہ ماہ ۹مئی تک ان کا ۹۰ فیصد وقت اترپردیش میں ہی پارٹی کی انتخابی مہم کیلئے لگ رہا ہے مایاوتی نے اب تک ضلع بجنور، علی گڑھ، مظفر نگر، سہارنپور، بلند شہر، غازی آباد، میرٹھ، باغپت اور شاملی میں بڑے انتخابی جلسوںکو خطاب کرچکی ہیں ۔
جمعرات کو مایاوتی نے پہلا عوامی جلسہ میں گورنمنٹ انٹر کالج کے کھیل میدان لکھیم پور میں اور دوسرا عوامی جلسہ آئی ٹی آئی گراؤند ہردوئی میں کیا ہے۔
