متھن چکرورتی کو گوپالا گوپالا کے بعد کئی تلگو فلموں کے آفر

بالی ووڈ کے مشہور اداکار متھن چکروتی ان دنوں ٹالی ووڈ میں دھمال مچا رہے ہیں۔ بالی ووڈ کی سوپر ہٹ فلم ’’اومائی گاڈ‘‘ کی تلگو ری میک ’’گوپالا گوپالا‘‘ ہے اس میں وکٹری وینکٹیش اور پاور اسٹار پون کلیان اہم کرداروں میں ہیں۔ اس فلم کا ڈائرکشن ڈالی نے کیا ہے۔ یہ فلم اپنی ریلیز کے پہلے دن سے ہی عوام میں پسند کی جارہی ہے۔ سنکرانتی کے موقع پر ریلیز ہونے کی وجہ اسے تقریباً سبھی عمر کے لوگ دیکھ رہے ہیں اور پسند بھی کررہے ہیں گوپالا گوپالا میں متھن چکرورتی نے سوامی جی کا کردار نبھایا ہے جسے انہوں نے ہندی فلم میں بھی کیا تھا۔ متھن کی جانب
سے نبھایا یہ کردار لوگوں کو بہت پسند آرہا ہے۔ تلگو میں ان کی آواز ڈب کی گئی ہے اس کے باوجود ان کے پرفارمینس کو تلگو شائقین بہت پسند کررہے ہیں۔ عوام کی پسند کو دیکھتے ہوئے تلگو فلموں کے ڈائرکٹرس و پروڈیوسرس متھن کو ٹالی ووڈ کی فلموں میں لینے کی کوشش کررہے ہیں۔