مجھے یقین تھا کہ لن ڈین کو ہرا سکتا ہوں: سری کانت

حیدرآباد۔ چین کے لن ڈین کو اس کے ملک میں چائنا اوپن سپر سیریز میں ہرانے والے بیڈمنٹن کھلاڑی کے سری کانت نے کہا کہ انہیں ہمیشہ سے اپنی صلاحیت پر یقین تھا کہ وہ دو مرتبہ کے اولمپک طلائی تمغہ یافتہ مخالف کو ہرا سکتے ہیں۔سری کانت نے کہامجھے یقین تھا کہ میں ایسا کر سکتا ہوں۔ میں انتہائی اعتماد کا شکار نہیں تھا لیکن مجھے خود پر اعتماد تھا۔ میں اچھا کھیل رہا تھا اور میری حکمت بھی کارگر ثابت ہوئی۔دنیا کے آٹھویں نمبر کے کھلاڑی سری کانت نے کہا کہ فائنل سے پہلے ان کا اعتماد فیصلہ پر قائم رہا اور وہ آخر تک ہار نہیں ماننے کے ارادے سے ہی اترے تھے۔انہوں نے کہامجھے
احساس تھا کہ میں بڑے کھلاڑی کے خلاف کھیل رہا ہوں۔ لیکن فائنل میں آپ یہ نہیں سوچتے کہ میں اسے شکست نہیں سکتا۔ میں اپنی بہترین کارکردگی کرنا چاہتا تھا اور میں نے خود سے کہا کہ مجھے آخر تک ہار نہیں ماننی ہے۔سری کانت نے کہا کہ لن ڈین کو ہرانے کے بعد اب ان سے توقعات بڑھ گئی ہے لیکن وہ اضافی دباؤ نہیں لیں گے۔