مدھوبالا کا کردار نبھانا چاہتی ہے پلوی شاردا

محل، امر، مسٹر اینڈ مسز ۵۵، چلتی کا نام گاڑی اور مغل اعظم جیسی ہندی فلموں کو اپنی عمدہ اور لاجواب اداکاری سے کامیابی دلانے والی اپنے دور کی خوبصورت ہیروئین مدھوبالا کے کردار والی فلمیں بنانے کی بات جب بھی ہوتی ہے تو اس میں سوناکشی سنہا، سونم کپور اور کنگنا رناوت جیسی موجودہ دور کی ہیروئنیں اس میں مدھوبالا کا رول کرنے کے لئے اپنی خواہش ظاہر کر چکی ہیں۔ ایک بار تو انوراگ کشیپ نے کشور ک
مار کی زندگی پر فلم بنانے کے لئے کہا تھا تو اس میں مدھوبالا کا رول قطرینہ کیف کو دینے کی بات انہوں نے کہی تھی۔ دیگر تمام ہیروئنوں جیسی چاہت بالی ووڈ میں نئی نئی آئی ہیروئن پلوی شاردا کے دل میں بھی ہے۔ ان کا خیال ہے کہ مدھوبالا کی زندگی کافی دلچسپ اور رومانیت بھری تھی۔ ان کی چاہت ہے کہ اگر کبھی مدھوبالا کے کردار والی کوئی فلم بنتی ہے تو اس میں مدھوبالا کا رول وہ کرنا چاہیں گی۔