’مردانی‘ میں حقیقی پولیس افسر سے متاثر کردار ادا کریں گی رانی مکھرجی

ممبئی(وارتا)بالی ووڈ میں اپنی سنجیدہ اداکاری کیلئے مشہور رانی مکھرجی اپنی آنے والی فلم ’مردانی‘ میں ریئل پولیس افسر سے متاثر کردار ادا کرتی نظر آئیںگی۔ رانی یشراج بینر کے تحت بن رہی فلم مردانی میں پردیپ سرکار کی ہدایت میں کام کر رہی ہیں اس فلم میں وہ پولیس افسرکا کردار ادا کریں گی۔ بتایا جاتا ہے کہ اس فلم میں رانی کا کردار کرائم افسر شیوانی شیواجی راؤ سے متاثر ہوگا۔ اس کردار کو سلور اسکرین پراداکرنے کیلئے رانی ان دنوں فزیکل ٹرینر کی مدد سے خود کو فٹ رکھنے کی کوشش کر رہی ہیں۔ رانی نے اب تک ۱۲کلو گرام وزن کم کر لیا ہے۔ بتایاجاتا ہے
کہ فلم ’مردانی‘ میں اپنے کردار کیلئے رانی مکھرجی نے کئی کرائم افسران سے بات چیت بھی کی ہے۔