مزید پاکستانی اداکار ، بالی ووڈ آئیں : علی ظفر

ممبئی: پاکستان کے ماڈل سنگر اور اداکار علی ظفر کا کہنا ہے کہ ان کی خواہش ہے کہ مزید پاکستانی بالی ووڈ میں آکر کام کریں تاکہ دونوں ممالک کے سپر اسٹارز کو ایک دوسرے کو سمجھنے کا بہتر موقع مل سکے۔اپنیایک انٹرویو میں علی ظفر کا کہنا تھا کہ پاکستانی اداکار فواد خان ان کے بہت اچھے دوست ہیں اور فواد سے انکا کوئی مقابلہ نہیں ہے، فواد خان نے بہت خوبصورتی سے بھارت کی فلم انڈسٹری میں اپنی جگہ بنائی ہے لیکن چاہتا ہوں کہ مزید پاکستانی اداکار بھارت آکر کام کریں تاکہ دونوں ممالک کے اداکار ایک ساتھ اپنے فن کا مظاہرہ کر سکیں اور ایک دوسرے کو سمجھ سکیں۔پاکستانی ماڈل سنگر اور اداکار علی ظفر کی نئی آنے والی بالی ووڈ فلم ’’کل دل‘‘ کے ٹائٹل سانگ کی ویڈیو نے انٹر نیٹ پر دھوم مچا دی ہے۔بھارتی میڈیا رپورٹس کے مطابق علی ظفر کی نئی آنے والی فلم کل دل کے ٹائٹل سانگ کی ویڈیو نے انٹر نیٹ پر دھوم مچا دی ہے۔ فلم کے گانے کے بول معروف نغمہ نگار گلزار کے تحریر کردہ جب کہ آواز کا جادو پلے بیک سونو نگم اور شنکر مہادھیون نے جگایا ہے۔واضح رہے کہ علی ظفر کی نئی فلم کل دل 14 نومبر کو ریلیز ہونے جا رہی ہے جس میں ان کے علاوہ گوندا، رنویر سنگھ اور پارینتی چوپڑا بھی ایکشن میں نظر آیئں گی۔