گورکھپور(نامہ نگار)کھوڑابارعلاقہ میں موٹرسائیکل بدمعاشوں نے آٹو ڈرائیور کو نشانہ بناکر گولی ماردی ۔گولی لگنے سے آٹوڈرائیور شدید طورسے زخمی ہوگیا جبکہ دکان کا مالک بھی گولی لگنے سے زخمی ہوگیا۔دکان مالک کو میڈیکل کالج اورآٹوڈرائیور کو ضلع اسپتال میںداخل کر ا دیاگیا۔جہاں ڈاکٹروں نے تشویشناک حالت کو دیکھ کر میڈیکل کالج بھیج دیا۔میڈیکل کالج میں علاج کے دوران آٹوڈرائیور کی موت ہوگئی جب کہ ڈاکٹروں نے دکان مالک کی حالت کو تشویشناک حالت بتایا واردات کی اطلاع ملنے کے بعد موقع پر ایس پی سٹی اورکھوڑابارپولیس نے واردات کے بارے میںمعلومات کی ۔
موصولہ خبر کے مطابق جھنگہاعلاقہ کے سرارمنجگائوں کاباشندہ وششٹ دھر دوبے سبکدوش سب انسپکٹر ہے اس کا بیٹاآشوتوش دوبے (۳۲)رانی باغ برگوں کھورابار علاقہ میں آٹوچلاتاتھا،آشوتوش آج صبح کھورابارعلاقہ میں واقعہ دکان سے تعمیراتی سامان خریدنے کے لئے پہنچاتھا دکان کا مالک راجو جیسوال آشوتوش سے گفتگوکررہاتھا اسی دوران اس پر دوفائر کئے گئے۔ایک گولی آشوتوش کے پیٹ میں لگی اوردوسری گولی دکان کے مالک راجو کو لگ گئی زخمی حالت میں راجوکو میڈیکل کالج وآشوتوش کو ضلع استپال میںداخل کرادیاگیا۔ آشوتوش کی تشویشناک حالت کو دیکھ کر ڈاکٹروں نے اسے میڈیکل کالج بھیج دیا جہاں علاج کے دوران آشوتوش کی موت ہوگئی جب کہ راجو کی حالت تشویشناک بتائی جارہی ہے۔عینی مشاہدین نے پولیس کو بتایاکہ واردات کو تین بدمعاشوں نے انجام دیا اوروہ سکٹورکی طرف بھاگ گئے۔
