مظفر پور میں بڑی مقدار میں شراب کے ساتھ دو اسمگلر گرفتار

مظفر پور : بہارمیں مظفر پور ضلع کے گائے گھاٹ تھانہ علاقے سے آج صبح پولیس نے بڑی مقدار میں انگریزی شراب کے ساتھ دو اسمگلروں کو گرفتارکرلیاہے ۔
پولیس ذرائع نے یہاں بتایا کہ اطلاع کی بنیاد پر دبولی پنچایت گھر کے احاطے میں ٹرک سے اتار کر گاڑیوں پر لادے جارہے 286 کارٹن انگریزی شراب برآمد کی گئی۔اس دوران پولیس نے دواسمگلروں کو گرفتار کرکے ایک ٹرک اور چھ گاڑیاں ضبط کرلی ہیں۔
ذرائع نے بتایا کہ گرفتار اسمگلروں میں ہتھوڑی تھانہ علاقے کا رہنے والا سنیل مہتو اور روشن مہتو شامل ہے ۔چھاپے کے دوران اس دھندے میں شامل دیگر اسمگلر فرارہوگئے ۔برآمد کی گئی شراب ہریانہ میں بننے والی مختلف برانڈ کی ہے ۔