معمولی بات پر تنازع ہونے پر بھائی کا گولی مار کر قتل

فرخ آباد :  اتر پردیش میں فرخ آباد کے راجے پور علاقے میں معمولی بات پر دو لوگوں نے اپنے بھائی کی گولی مار کر قتل کر دیا۔پولیس کے ترجمان نے آج یہاں بتایا کہ نگلا گھاگ کے رتی رام کا بچھڑا اس کے چھوٹے بھائی مان سنگھ کی ناد پر چلا گیا۔ اس بات کو لے کر بھائیوں کے درمیان کہا سنی ہو گئی۔ بات بڑھنے پر مان سنگھ نے اپنے بڑے بھائی پرمپال سنگھ کے ساتھ مل کر رتی رام کو طمنچے سے گولی مار دی جس سے اس کی موت ہو گئی۔ واقعہ کے بعد ملزم فرار ہو گئے ۔پولیس قتل کے ملزمان کی تلاش کر رہی ہے ۔