ملائم ،فیض آباد واکھلیش پھول پور میں جلسہ کو خطاب کریں گے

لکھنؤ۔(نامہ نگار)سماجوادی پارٹی کے سربراہ ملائم سنگھ یادو ۳۰؍اپریل کو شراوستی ، گونڈہ اور فیض آباد پارلیمانی حلقہ کے سماجوادی پارٹی کے امیدواروں کی حمایت میں انتخابی جلسوں سے خطاب کریں گے۔ جبکہ وزیراعلیٰ اکھلیش یادو ،پھول پور اور پرتاپ گڑھ کے امیدواروں کی حمایت میں رائے دہندگان سے ووٹ دینے کی اپیل کریںگے۔ ملائم سنگھ یادو سوتنتر بھارت کالج کے میدان کرسی پور میں شراوستی پارلیمانی حلقہ کے امیدوار عتیق احمد کی حمایت میں انتخابی جلسہ سے خطاب کریںگے۔ اکھلیش یادو گاؤں رودر پور باغ تھروئی میں پھول پور حلقہ کے امیدوار دھرم راج سنگھ پٹیل ، منیش ور انٹر کالج کے قریب میدان میں ، اڑیا دی باغ دیوسرا پرتاپ گڑھ میں پارلیمانی حلقوں کے امیدوار پرمود پٹیل کی حمایت میں انتخابی جلسے سے خطاب کریں۔ سماجوادی
پارٹی کے سینئر لیڈر شیوپال سنگھ یادو اعظم گڑھ میں روڈ شو کریںگے۔