ممبئی انڈینس کا سامنا چنئی سپر کنگزسے آج

 ممبئی۔متحدہ عرب امارات میں مسلسل پانچ شکست کا سامنا کرنے کے بعد گزشتہ چمپئن ممبئی انڈینس کی مہم پٹری پر آ گئی ہے اور کل یہاں وانکھیڑے اسٹیڈیم میں دو بار کی فاتح چنئی سپرکنگز سے ہونے والا آئی پی ایل مقابلہ ان کے لئے کافی مشکل ہوگا ۔  میزبان ٹیم کے لئے چمپئنز لیگ فاتح کے خلاف یہ میچ کافی اہم ہوگا جس میں چنئی کی ٹیم آٹھ میچوں میں چھ جیت سے ٹیبل میں دوسرے مقام پر
قابض ہے ۔ممبئی کی کنگز الیون پنجاب کے بعد رائل چیلنجرس بنگلور پر گھریلو میدان پر ملی فتح نے اسے چارپلے آف مقام کی دوڑ میں پیچھے لا دیا ہے ۔تاہم اگر اسے اس میں شکست ہوئی تو اس کی سپرکنگز 2010 اور 2011کی طرح مسلسل خطاب جیتنے کی دوڑ سے ایک طرح سے باہر ہو جائے گی ۔  ممبئی کی ٹیم مضبوط سپرکنگس کے خلاف فاتح لے برقرار رکھنے کو بے تاب ہوگی ، جس کا حوصلہ ، خاص طور اس کے گیند بازوں کا ، گزشتہ میچ میں کنگز الیون پنجاب سے ملی 44 رن کی شکست کے بعد گرا ہوا ہے ۔ چنئی کے گیند بازوں کی پنجاب کے گلین میکسویل اینڈ کمپنی نے دھجیاں اڑا دی تھی ۔ انہیں ممبئی کے فارم میں چل رہے کپتان روہت شرما اور ویسٹ انڈیز کے کیرون پولارڈ کے چیلنج سے نمٹنا ہوگا ۔وانکھیڑے کی پچ پر گیند آرام سے بلے پر آتی ہے ، جس سے چنئی کے گیندبازی کو مشکل پیش آ سکتی ہے ۔ممبئی کی ٹیم میں امباتی رائیڈو اور کوری اینڈرسن جیسے بلے باز موجود ہیں جبکہ سلامی بلے باز چدمبرم گوتم نے بھی اپنے ہٹ سے لوگوں کو متاثر کیا ۔ سپرکنگز کے بلے باز خاص طور برینڈن میک کولم اور ڈیون اسمتھ کے علاوہ سریش رینا اور مہندر سنگھ دھونی اس پچ کا فائدہ اٹھانے کی کوشش کریں گے جوا سٹروکس کھیلنے کے لئے اچھا ہے ۔دونوں ٹیموں کے حملے متوازن ہے جس میں ممبئی کے لئے لستھ ملنگا 9 وکٹ اور چنئی کیلئے موہت شرما14سب سے کامیاب گیند باز ہے ۔ظہیر خان کی چوٹ سے ممبئی کے حملہ کو زبردست جھٹکا لگا ہے ، جن کی جگہ اترپردیش کے سوئنگ گیند باز پروین کمار کو شامل کیا گیا ۔ ممبئی کے پاس ہربھجن سنگھ 6 وکٹ ہے تو چنئی کے پاس روندر جڈیجہ 11 وکٹ اور آر اشون 7 موجود ہیں ۔