موبائل کی دودوکانوں میں نقب لگا کر چوری

لکھنؤ۔مڑیاؤں علاقہ میں موبائل کی دکانوں میں سیندھ لگا کر چور موبائل فون ، بیٹری اور دیگر سامان چوری کرلے گئے۔ اس معاملے میں دو دکانداروں نے مڑیاوں تھانہ میں چوری کی رپورٹ درج کرائی۔ مڑیاؤں کے عمر بھاری گاؤں کے رہنے والے وجے یادو کی چھتہ مل کے پاس موبائل کی دوکان ہے۔ جمعہ کو وہ دکان بند کرکے گھر چلے گئے۔ دیر رات چوروں نے ان کی دکان میں نقب لگائی اورکئی موبائل ، میموری کارڈ ، بیٹری اور دیگر سامان چوری کرلے گئے۔ اس کے بعد چوروں نے ان کے پڑوسی دکاندار جانکی پورم کے رہنے والے مندیپ راٹھور کی دکان میں بھی نقب لگائی اور اس دکان سے بھی موبائل فون ، میموری کارڈ ، بیٹری اور دیگر سامان چرا لے گئے۔ جب دونوں دکاندار صبح اپنی دکان پہنچے تو دونوں کو چوری کی اطلاع ملی۔ انہوں نے مڑیاؤں تھانہ میں رپورٹ دراج کرادی۔