مودی سوئنا کو مبارکباد

نئی دہلی: وزیر اعظم نریندر مودی نے بیڈمنٹن استاد سائنا نہوال کو عالمی چیمپئن شپ میں چاندی کا تمغہ جیتنے پر مبارکباد دی ہے ۔
متحدہ عرب امارا ت کے دورے پر گئے ہوئے مسٹر مودی نے اپنے پیغام میں کہا کہ عالمی بیڈمنٹن چیمپئن شپ میں چاندی کا تمغہ حاصل کرنا بہت بڑی کامیابی ہے ۔ سائنا کو مبارک ہو ۔ ان کی یہ کامرانی باعث ترغیب ہے ۔
قابل ذکر ہے کہ دنیا کی نمبر دو کھلاڑی سائنا انڈونیشیا کی راجدھانی جکارتہ میں ہونے والے مقابلے کے فائنل میں پہنچنے والی پہلی ہندوستانی ہیں۔
انہیں خطابی مقابلے میں اسپین کی کرولینا مارن سے لگاتار گیمس میں شکست کا سامنا کرنا پڑا جس سے وہ طلائی تمغہ جیتنے سے چوک گئیں۔