مودی کے پروگرام میں بچوں کو لے کر آ رہی بس حادثہ کا شکار، 42 زخمی

وارانسی: وزیر اعظم نریندر مودی کے پروگرام میں معذور بچوں کو وارانسی لے کر آ رہی ایک بس کہرے کی وجہ سے بے قابو ہوکر کپسیٹی علاقے میں سڑک کے کنارے کھائی میں پلٹ گئی جس میں 42 افراد زخمی ہو گئے جن میں تین کو شدید چوٹ آئی ہے ۔پولیس ذرائع نے یہاں بتایا کہ کپسیٹي علاقے میں بھیکم پور گاؤں کے قریب بھدوہی۔وارانسی روٹ پر وارانسی آ رہی بس پلٹ گئی۔ حادثے کے وقت بس میں سوار 42 افراد سوار تھے ۔ حادثہ میں تین افراد کو شدید طور سے چوٹ آئی ہے ۔ زخمیوں کو اسپتال میں داخل کرا دیا گیا ہے ۔