مکانوں کا تالاتوڑ کر لاکھوں کا سامان چوری

گورکھپور (نامہ نگار)چلواتال علاقہ میں چور دو مکانوں کا تالا توڑ کر لاکھوں روپئے لے کر فرارہوگئے۔مکان مالکان نے چوری کی اطلاع پولس کو دی۔موصولہ خبر کے مطابق کریم نگر کرشنا پورم کا باشندہ سنجیو کمار شریواستو ۲۰؍اپریل کو مکان کو بندکرکے شادی کی تقریب میں شامل ہونے کے لئے گیا ہواتھا۔گزشتہ روز جب سنجیوکمار شریواستو گھر واپس پہنچا تو مین گیٹ کا تالا ٹوٹا ہواملا۔مکان کے اندر جاکر جب سنجیو نے دیکھا تو الماری اور بکس کے تالے بھی ٹوٹے ہوئے تھے۔سنجیو نے بتایا کہ الماری اور بکس میں سونے کے زیورات اور ۸ہزار روپئے کے علاوہ قیمتی سامان بھی رکھا ہواتھا۔جسے چور لے کر فرار ہوگئے۔کنبہ کے لوگوں نے چوری کی اطلاع پولس کودی۔ اس کے علاوہ بھگوان پور نوّاٹولہ کے باشندے شیوپوجن کی بیوی بانسمتی دیوی اپنے رشتہ کی عیادت کے لئے اسپتال گئی ہوئی تھی۔ کل چوروں نے مکان کا تالاتوڑ کر گھر میں رکھے ہوئے برتن،سلنڈر ،پانی کے موٹر سمیت قیمتی سامان چوری کرلیا۔بانسمتی دیوی نے چوری
کی اطلاع تھانہ میں دے دی ہے۔