پر اسرار بخار کے پیر جمانے پر گاوں پردھان نے صحت محکمہ کو روشناش کراتے ہوئے طبی بندو بست کے سلسلے میں سی ایم او سے مدد مانگی جس پر صحت محکمہ کی ایک ٹیم دیر شب گاوں پہنچی اور مریضوں کا علاج شروع کیا۔ جن لوگوں کی حالت زیادہ خراب دکھی ڈاکٹروں نے انہیں شہر کے اسپتال میںمنتقل بھی کیا۔
مریضوں کو علاج کےلئے تیمارداروں نے ہیلٹ ، کانشی رام اور پرائیویٹ سمیت دیگر اسپتالوں میں بھرتی کرایا۔ اسپتالوں میں علاج کےلئے آئے تیمارداروں کا الزام ہے کہ گاوں میں جو صحت محکمہ کی ٹیم دیہی باشندوںکا علاج کر رہی ہے وہ صرف خانہ پری کر رہی ہے۔ ان کے پاس مریضوں کو دینے کےلئے دوا تک نہیں ہے ایسے میں یہ لوگ صرف مریضوں سے پیچھا چھڑانے کےلئے اسپتال میں منتقل کر رہے ہیں۔ گاوں میں اس بیماری سے دیہی باشندے نقل مکانی کی بات کرنے لگے ہیں۔ مہاراج پور گاوں میں پھیلے بخار سے پورا گاوں پریشان ہے۔ صحت محکمہ کی ٹیم نے گاو میں صحت کیمپ لگا کر دیہی باشندوں کو بہتر علاج مہیا کرانے میں کوئی کثر نہیں چھوڑ رہی ہے۔ جبکہ دیہی باشندوں نے صحت محکمہ کے ڈاکٹروں نے علاج میں لاپروائی کئے جانے کا الزام لگایا ہے۔
