مہیندرا نے ۵۷ہارس پاور والا نیا ٹریکٹر پیش کیا

چنئی (وارتا) ملک کی معروف آٹو موبائل کمپنی مہیندرا اینڈ مہیندرا نے ۵۲ اور ۵۷ہارس پاور والا اپنا نیا ٹریکٹر ارجن نووا بازار میں پیش کیا ہے جس کی قیمت۳۵ء۷ لاکھ روپئے ہے۔ کمپنی کے کارگزار ڈائریکٹر پون گوینکا نے چنئی سے ۴۵ کلو میٹر کے فاصلے پر واقع کمپنی کے تحقیقاتی مرکز مہیندرا ریسرچ ویلی نے اس کی نقاب کشائی کی۔ نیا ٹریکٹر کے مہیندرا ارجن نووا ۶۰۵ ڈی آئی ون پرانے
ماڈل مہیندار ارجن ۶۰۵ ڈی آئی کی جگہ لے گا۔ ارجن نووا کی تعمیر ایک نئے پلیٹ فارم پر کی گئی ہے جسے ریسرچ ویلی میں ہی ڈیولپ کیا گیا ہے۔ کمپنی نے بتایا کہ اس کا اے سی ماڈل بھی دستیاب ہے جس کی قیمت ۵ء۹ لاکھ روپئے رکھی گئی ہے۔ مسٹر گوینکا نے بتایا کہ ۶ ماہ کے اندر نئے ٹریکٹر کو غیر ممالک میں بھی کاروبار کے لئے پیش کردیا جائے گا۔