میری حوصلہ افزائی میں والدین کا اہم کردار:جیکلین فرنانڈیز

ممبئی(وارتا)بالی ووڈ بولڈ اداکارہ اورسابق مس سری لنکا جیکلین فرنانڈیز کاکہناہے کہ ان کے والدین ان کی سب سے بڑی تحریک ہیں۔ ۲۰۰۹ میں آئی فلم علادین سے بالی ووڈ میں قدم رکھنے والی جیکلین نے ہاؤس فل ، ہاؤس فل۲،مرڈر۲؍اورریس ۲جیسی سپرہٹ فلموںمیں کام کیا ہے جیکلین فرنانڈیز ان دنوں سلمان خان کے ساتھ کک میں کام کررہی ہیں۔جیکلین فرنانڈیز نے کہا کہ میری ماں نے ہمیشہ میراساتھ دیا ہے ۔ مجھے یہاں ان کی کمی بہت یادآتی ہے۔میں یہاں اپنے والدین کے بغیر رہتی ہوں۔یہ دولوگ ہیں جومیرے لئے حوصلہ افزائی کاسبب رہے ہیں جو مجھے ہمیشہ سرگرم رکھتی ہیں۔ جیکلین نے کہا کہ میرے والدین نے مجھے کبھی کسی چیزکیلئے نہیں منع کیا جب میں نے کہا کہ ماں میں ہندوستان جا کر آباد ہورہی ہوں تب بھی ان کارد عمل یہ تھاکہ ٹھیک ہے۔کک کے بعد جیکلین رائے فلم کی شوٹنگ کرنے والے ہیں اس فلم میں جیکلین کا ڈبل رول ہے رائے میں رنبیر کپوراورارجن رام پال بھی اہم کرداراداکررہے ہیں۔