نئی فلم میں د یسی انداز میں نظرآئیں گی پرینکا چوپڑا

ممبئی ۔بالی وڈ اداکارہ پریانکا چوپڑا نے کہاکہ خواتین کے درمیان صرف کیٹ فائٹ ہی نہیں ہوتی بلکہ اچھے مقصد کیلئے وہ متحد بھی ہو جاتی ہے۔بھارتی میڈیا کے مطابق اداکارہ پریانکا چوپڑا ،جوخواتین کو با اختیار بنانے کی مہم گرلز رائزنگ کا حصہ بھی ہیں، نے ایک انٹرویو میں بتایا کہ خواتین کی صرف کیٹ فائٹ ہی نہیں بوتی بلکہ اچھے مقصد کیلئے وہ متحد بھی ہو جاتی ہیں۔ اس نام کی فلم بھی جلد ریلیز ہو رہی ہے جس میں ان کے ہمراہ غیر ملکی فلمی شخصیات نے بھی کام کیا یہ اس کارخیر کی تشہیری مہم کا ہی حصہ ہے۔ امریکہ نے اس کار خیر کیلئے تین ملین ڈالر کی امدادی رقم دینے کا اعلان کیا ہے وہ اور لوگوں سے بھی کہیں گی اس کارخیر کا حصہ بن کر اس کو کامیاب بنائیں تاکہ بھارت کی خواتین ملک کی ترقی میں اپنا نمایاں کردار ادا کر سکیں۔ اداکارہ نے کہاکہ انہیں فخر ہے کہ وہ اس امدادی سرگرمی کا حصہ بنیں۔دوسری جانب بالی ووڈ اداکارہ پریانکا چوپڑا فلم ’’بجراؤ مستانی‘‘ میں دیسی انداز میں دیکھائی دینگی۔ پریانکا چوپڑا جن کی حال میں ریلیز ہونے والی فلم ’’ میری کوم‘‘ سپرہٹ ثابت ہوئی ہے اب وہ اپنی نئی فلم میں دیسی انداز میں دکھائی دینگی۔فلم کی عکسبندی کاآغاز ہو چکا ہے۔ فلم کے ہدایتکار سنجے لیلہ بھنسالی ہیں۔ فلم کی دیگر کاسٹ میں دپیکا پڈوکون اور رنویر سنگھ شامل ہیں۔ اداکارہ پریانکا فلم میں ’’کاشی بائی ‘‘ کا کردار نبھا رہی ہیں جو اداکار رنویر سنگھ یعنی ’’بجرائو ‘‘ کی بیوی ہوتی ہے۔ دپیکا فلم میں ’’مستانی‘‘ کا کردار ادا کرینگی۔ فلم کی عکسبندی جلد ہی مکمل کرلی جائے گی۔پریانکا نے اپنے حالیہ ٹیوٹ میں کہا ہے کہ وہ ’’بجراؤ مستانی‘‘ میں شوٹنگ کے لیے بہت خوش اور پرجوش تھیں اور اس کے ساتھ ساتھ بہت نروس بھی تھی‘ بعض اوقات کوئی نیا کام کرتے وقت بہت دہشت سی طاری ہو جاتی ہے مگر میں نے اس نئے پراجیکٹ پر ایسا کچھ بھی محسوس نہیں کیا اس کے برعکس وہ بہت زیادہ پرجوش اور مکمل طور پر اعصابی تناؤ کا شکار ضرور رہی ہیں۔پریانکا نے اپنی نئی فلم ’’بجرائو مستانی ‘‘ میں اپنے کردار ’’کاشی بائی ‘‘ کے حلیے میں ایک تازہ تصویر بھی جاری کی ہے جس میں وہ مہاراشٹر کی سنہرے بارڈر والی روایتی ساڑھی میں نظر آ رہی ہیں جب کہ اداکارہ نے اس کے ساتھ ہی سبز رنگ کی روایتی کانچ کی چوڑیاں اور ساتھ ہی انگلیوں پر بڑی چمکتی انگوٹھیاں بھی پہن رکھی ہیں۔پریانکا چوپڑا نے نئی فلم ’’بجرائو مستانی ‘‘ سے متعلق مزید بات کرتے ہوئے کہا ہے کہ سنجے لیلہ بھنسالی کی اس فلم میں کام کرنے کا تجربہ مسحور کن رہا ہے‘ سنجے لیلہ بھنسالی ان کے پسندیدہ ہدایتکار ہیں‘ ان کے ساتھ کام کرکے انھوں نے بہت کچھ سیکھا ہے کیونکہ وہ ایک پیشہ ور ہدایتکار ہیں انھیں سنجے کے ساتھ کام کر کے مزا آیا۔