ہاپوڑ (نامہ نگار)ضلع کے تھانہ دیہات علاقہ کے جروٹھی روڈ واقع جنگل میں دو افراد نے ایک لڑکی کی آبروریزی کرنے کی کوشش کی۔ لڑکی کے ذریعہ شوروغل کرنے پر موقع پر پہنچ کر اہل خانہ نے دونوں افراد کو پکڑ لیا۔ اطلاع ملنے کے بعد موقع پر پہنچ کر مقامی لوگوں اور اہل خانہ نے دونوں ملزمین کو پولس کے حوالہ کردیا۔ موصولہ خبر کے مطابق جروٹھی روڈ پر لکھیم پور کھیری کا باشندہ رام نریش اپنے اہل خانہ کے ساتھ رہتا ہے۔ پیر کو دیر شام اس کی تیرہ سالہ بہن رانو جنگل میں ضروری حاجت کے لئے گئی ہوئی تھی جبکہ پہلے سے ہی وہاں سیتاپور کا باشندہ نیرج و تربھون نے لڑکی کی آبروریزی کرنے کی کوشش کی۔رانو کے شور مچانے کے بعد اس کے گھرو الے موقع پر پہنچے اور انہوں نے دونوں ملزمین کو پکڑ کر پولیس کے حوالہ کردیا۔
