نازیبا حرکت پر امیشا پٹیل نے نوجوان کو مارا طمانچہ

ممبئی: بالی ووڈ اداکارہ امیشا پٹیل نے ہجوم میں نوجوان کی جانب سے نازیبا حرکت کرنے پر اسے ایسا زناٹے دار تھپڑ رسید کیا کہ موصوف کو دن میں ہی تارے نظر آگئے۔ میڈیا کے مطابق امیشا پٹیل کو ریاست اترپردیش کے شر گورکھ پور میں جیولری شاپ کے افتتاح کے موقع پر بطور مہمان خصوصی مدعو کیا گیا تھا، اب ظاہر ہے جہاں امیشا پٹیل جیسی خوبرو اداکارہ ہو اور وہاں لوگوں کا ہجوم نہ ہو ایسا تو ہو نہیں سک
تا اور ایسے میں کچھ اوباش نوجوان اپنی فطرت سے مجبور ہوکر نازیبا حرکت بھی کر بیٹھتے ہیں۔کبھی تو یہ لوگ اپنی اس حرکت میں کامیاب ہوجاتے ہیں لیکن جب کبھی یہی اوباش نوجوان عوام کے ہتھے لگتے ہیں تو پھر ان کے ساتھ جو ہوتا ہے وہ لفظوں میں بیان کرنا ممکن نہیں اور ایسا ہی کچھ امیشا پٹیل کے ساتھ ہوا جب ہجوم میں سے ایک نوجوان نے ان کے ساتھ نازیبا حرکت کرنے کی کوشش کی تو اداکارہ کا پارہ بھی ہائی ہوگیا اور انہوں نے آؤ دیکھا نہ تاؤ اور اس نوجوان کو ایسا زناٹے دار تھپڑ رسید کیا کہ موصوف کو دن میں ہی تارے نظر آگئے۔