اہرولہ؍اعظم گڑھ (نامہ نگار)مقامی تھانہ حلقہ کے واکر کول کے نزدیک اتوار کی صبح ایک ٹریکٹر بے قابو ہوکر نالے میں گرگیا۔اس کے نیچے دب کر ڈرائیور کی موت ہوگئی۔ گاؤں والوں نے کسی طرح لاش کو باہر نکالا۔ پولیس نے لاش کو قبضہ میں لیکر پوسٹ مارٹم کے لئے بھیج دیا۔
کندھراپور تھانہ حلقہ کے مہاراج پور گاؤں کے رہنے و
الے ۴۵سالہ ہری کشن ولد جے رام ٹریکٹر سے لکڑی ڈھونے کا کام کرتاتھا۔اس کا بھائی واکر کول گاؤں میں نواسے پر رہتاہے۔ گھر والوں کا کہنا ہے کہ ہرکشن کے پاس کام نہیں تھا وہ ٹریکٹر لیکر واکر کول گاؤں بھائی کے پاس جارہاتھا ۔ گاؤں کے باہر نالے کے نزدیک ٹریکٹر بے قابو ہوکر نالے میں گرگیا۔ ٹریکٹر کے نیچے دب کر ہری کشن کی موت ہوگئی۔ متوفی کے دو بیٹے ہیں۔
