نرمدا ندی میں کشتی ڈوبی۔تین ہلاک

رائے سین:مدھیہ پردیش کے رائے سین ضلع میں دریا کے نرمدا میں ایک کشتی پلٹنے سے اس میں سوار تین افراد کی ڈوب کر موت ہوگئی۔کشتی میں کل چھ افراد سوار تھے جن میں سے تین تیر کر باہر آگئے ۔رائے سین پولیس ذرائع نے آج یہاں بتایا ہے کہ دیوی قصبہ کے پاس نرمدا ندی پر واقع سدھ گھاٹ پر کل رات تقریباً ساڑے بارہ بجے نرسنگھ پور ضلع کے گرام کوڑیا کے چھ افراد خصوصی ہون اور پوجا کرنے آئے تھے ۔ پوجا کے بعد یہ لوگ کشتی کے ذریعہ دریا پار جارہے تھے اسی دوران ان لوگوں کی کشتی پلٹ گئی ۔ حادثہ کے بعد کشتی میں سوار 6 لوگوں میں سے تین نے تیر کر جان بچالی غوطہ خوروں نے تینوں لاشیں نکال لی ہیں۔