نشیلی اشیاء کی اسمگلنگ میںتین طلباء گرفتار

مظفرنگر:ڈگری کالج کے تین طلباء کو یہاں منشیات کی اسمگلنگ کرنے کے الزام میں گرفتارکیاگیا ۔ اور اس کے پاس ۰۵۴گرام ہیروئن اورچرس برآمد ہوئی ۔نیولینڈس پولیس تھانے کے انچارج ارون کمار نے آج بتایاکہ خفیہ اطلاع پر کارروائی کرتے ہوئے کل بی کام کے طلباء وکاس چودھری اور مکیش و بی ایس سی کا طالب علم شکیل کو دہلی دہرادون قومی شاہراہ سے گرفتار کیاگیا۔تینوںبلند شہر کے رہنے والے ہیں ۔انہوں نے بتایاکہ پوچھ گچھ کے دوران طلباء نے نشیلی مصنوعات کی اسمگلنگ میں کچھ دیگر لوگوں کے ساتھ اپنا جرم قبول کرلیاہے ۔ تینوںلوگوں کو منشیات ایکٹ کی مختلف دفعات کے تحت گرفتار کیاگیاہے ۔ معا ملہ کی جانچ کی جارہی ہے ۔