نوجوان کا گلا ریت کر قتل

مادھے پور:بہار میں مادھے پور ضلع کے سندھیر تھانے علاقہ سے آج صبح پولیس نے ایک نوجوان کی لاش برآمد کی جس کا گلا ریت کر قتل کیا گیا ہے ۔پولیس ذرائع نے بتایا کہ گاوں والوں کی اطلاع کے مطابق لرہا گاوں کے نزدیک نہر کنارے سے نوجوان کی لاش برآمد ہوئی۔ مرنے والے کی شناخت کرلی گئی ہے ۔ اس کا نام سشیل کمار (25) ہے ۔ ذرائع نے بتایا کہ قاتلوں نے سشیل کمار کو دیر رات قتل کرکے نہر اس کی لاش نہر میں پھینک دی۔ لاش پوسٹ مارٹم کے لئے بھیج دی گئی ہے ۔ اس سلسلہ میں معاملہ درج کرلیا گیا ہے اورمعاملہ کی چھان بین کی جارہی ہے ۔