نوشادی شدہ عورت کا قتل

رائے بریلی : اتر پردیش کے رائے بریلی میں سسرال والوں نے ایک نئی شادی شدہ عورت کا قتل کرکے لاش کھیت میں دبادی۔پولیس کے مطابق پلٹی کھیڑا  کی ریتا دیوی کی شادی اسی سال جون میں کھسڑی کھیڑا کا باشندہ دنیش کے ساتھ ہوئی تھی ۔ایک ہفتہ قبل ریتا لاپتہ ہوگئی اور سسرال والوں نے اس کے غائب ہوجانے کی افواہ پھیلادی۔ پولیس نے بتایا کہ ریتا کی ماں نے سسرال والوں پر قتل کا الزام لگاکر معاملہ درج کرایا ۔پولیس کی تفتیش کے دوران سسرال والوں نے ریتا کو قتل کرکے لاش کھیت میں دبانے کی بات قبول کرلی۔کلکٹر کے حکم پر ڈپٹی کلکٹر کی موجودگی میں پولیس نے گڑھے سے لاش باہر نکال کر پوسٹ مارٹم کے لئے بھیج دی ہے ۔