نکسلیوں کے ساتھ تصادم میں ایک فوجی ہلاک، ایک زخمی

جگدل پور:بیجاپور ضلع میں پولس اور نکسلیوں کے ساتھ ہونے والے تصادم میں فوج کا ایک جوان ہلاک جبکہ دوسرا زخمی ہوگیا ہے ۔ زخمی جوان کو کئی گولیاں لگی ہیں ۔دونوں جوان بیجاپور ڈسٹرکٹ فورس کے ہیں۔پولس سپرنٹنڈنٹ کے ایل دھرو نے بتایا کہ جب یہ جوان اپنے بیس کیمپ سے ڈیوٹی ختم ہونے کے بعد لوٹ رہے تھے توراستے میں ہی گھات لگائے نکسلیوں کے ساتھ ان کا تصادم ہوگیا ۔ تصادم میں ایک جوان کی موت جبکہ دوسرا زخمی ہوگیا ہے ۔پولس اور نکسلیوں کے درمیان کافی دیر تک فائرنگ ہوئی بعد میں نکسلی جنگلوں کی طرف فرار ہوگئے ۔مقتول جوان کی شناخت کانسٹیبل بابو لال مرکام کے طور پر ہوئی ہے ۔زخمی جوان دنیش کمار ہے جسے علاج کے لئے ریاستی دارالحکومت میں بھیجا گیا ہے ۔