نکل دوبے کی بی ایس پی کے حق میں ووٹ دینے کی اپیل

لکھنؤ(نامہ نگار)بہوجن سماج پارٹی کے امیدوار نکل دوبے کا روڈ شو وکاس نگر سے شروع ہو کر انجینئرنگ چوراہا، مڑیاؤں، پرنیا، کھدرا، امام باڑہ ، ٹھاکر گنج، چوک، نخاس ہوتے ہوئے عالم باغ سے چارباغ ، حسین گنج، حضرت، مہا نگر سے کپورتھلا ہوتے ہوئے انجینئرنگ کالج پر ختم ہوا۔ روڈ شو کے اختتام پر انجینئرنگ کالج چوراہے پر ہزاروں کارکنوں نے نکل دوبے کا زبردست خیر مقدم کیا۔ جلسہ کو خطاب کرتے ہوئے نکل دوبے نے بہوجن سماج پارٹی کے حق میںسبھی طبقوں سے ووٹ دینے کی اپیل کی۔اس موقع پر انہوں نے اپنی پارٹی کی کامیابیوں کا ذکر کرتے ہوئے عوام سے بہن مایاوتی کو مضبوط بنانے کی اپیل کی۔ اس موقع پر ارون دویدی، نوین چندر دویدی، خادم عباس، حیدر علی، سفیان، اجے شریواستو، قائم رضا، عزیز احمد، ظہر عباس اور راجو شریواستو وغیرہ نے حصہ لیا۔