واحد ٹی 20 میں لنکا نے انگلینڈ کو نو رن سے دی شکست

لندن ۔ تھسارا پریرا کی گیند اور بلے سے شاندار کارکردگی کی بدولت سری لنکا نے اوول میں انگلینڈ کو واحد ٹی 20 میچ میں نو رن سے شکست دے کر ورلڈ ٹی 20 میں اپنی شکست کا بدلہ برابر کیا ۔   مین آف دی میچ پریرا نے تیزی سے 49 رن بنائے جس سے عالمی ٹوئنٹی 20 چمپئن سری لنکا نے سات وکٹ پر 183 رن بنائے ۔ انگلینڈ کی ٹیم اس کے جواب میںا یلیکس ہیلس کی 66 رن کینصف سنچری اننگز کے باوجود مقررہ 20 اوور میں سات وکٹ کے نقصان پر 174 رن ہی بنا سکی ۔ پریرا نے کل دن رات کے اس مقابلے میں انگلینڈ کے کپتان ایان مورگن کا اہم وکٹ بھی حاصل کیا ۔ سری لنکا نے اس سال بنگلہ دیش میں ورلڈ ٹوئنٹی 20 خطاب جیتا تھا ، لیکن انہیں مارچ میں ٹورنامنٹ کے گروپ مرحلے میں انگلینڈ سے چھ وکٹ کی شکست ملی تھی ۔اس میچ میں ایلیکس ہیلس ٹوئنٹی 20 بین الاقوامی سنچری جڑنے والے انگلینڈ کے پہلے بلے باز بنے تھے لیکن
اس مرتبہ ہیلس کی 41 گیند میں سات چوکے اور دو چھکے جڑت 66 رنز اننگز بھی انگلینڈ کو جیت نہیں دلا سکی ۔ انگلینڈ اور سری لنکا کی ٹیمیں جمعرات سے اوول میں پانچ ون ڈے سیریز کا پہلا ون ڈے کھیلیں گی ۔اس کے بعد دونوں ٹیمیں جون میں دو ٹیسٹ میچوں کی سیریز کھیلیں گی ۔ سری لنکا کے لئے لستھ ملنگا نے چار اوور میں 28 رن دے کر تین وکٹ حاصل کئے ۔