واورنکا کی سنسنی خیز شکست ،لینا اور شاراپووا کی فتح

میڈرڈ ۔آسٹریلین اوپن چمپئن سوئٹزرلینڈ کے اسٹینسلاس واورنکا کو میڈرڈ اوپن ٹینس ٹورنامنٹ کے دوسرے راؤنڈ میں کوالیفائر کھلاڑی ڈومینک تھیم کے ہاتھوں سنسنی خیز شکست کا سامنا کرنا پڑا جبکہ سنگلز میں ماریا شاراپووا اور لی نا نے اپنے اپنے مقابلے جیت کر تیسرے دور میں داخلہ حاصل کر لیا ہے ۔ آسٹریلیناوپن کے بعد گزشتہ ماہ مونٹی کارلو ماسٹرخطاب جیتنے والے تیسری سیڈ واورنکا کو مردسنگلس کے دوسرے راؤنڈ میں غیر ترجیحی کھلاڑی آسٹریلیا کے ڈومینک تھیم نے 1 ۔6۔ 6 ۔ 2 6 ۔ 4 سے شکست دے دی ۔ دنیا کے 70 ویں رینک کھلاڑی 20 سالہ ڈومینک اوپر 100 ٹینس کھلاڑیوں میں عمر کے لحاظ سے سب سے چھوٹے ہیں ۔ سوئس کھلاڑی واورنکا نے میچ میں مضبوط شروعات کرتے ہوے پہلا سیٹ6 ۔1سے جیتا ۔لیکن دوسرے سیٹ میں وہ اپنی لے سے چوک گئے اور تھیم نے دوسرا اور پھر تیسرا سیٹ جیت کر میچ اپنے نام کر لیا ۔آسٹریلیائیکھلاڑی کی سب سے اوپر 10 کھلاڑی پر یہ پہلی جیت ہے ۔ تھیم کا تیسرے راؤنڈ میں 15 ویں سیڈروس کے میخائل کجنی یا غیر ترجیحی اسپین کے فلیسیانو لوپیز سے مقابلہ ہوگا ۔ 29 سالہ واورنکا نے اپنی ہار کے بعد موسم کو اس کے لئے ذمہ دار ٹھہرایا ۔ تیسری سیڈ آسٹریلین اوپن چمپئن نے کہا میڈرڈ میں ہوا بہت تیز ہے جس سے یہاں کلے کورٹ کے مقابلے میں گیند تیزی سے ہوا میں جا رہی ہے ۔یہاں کے حالات میں خود کو ڈھالنا مشکل ہوتا ہے ۔واورنکا گزشتہ سال یہاں رافیل نڈال سے فائنل میں ہار گئے تھے ۔ مردسنگلس کے دوسرے دور میں 10 ویں سیڈ
جاپان کے نشی کوری نے اسپین کے مو گارسیا لوپیز کو 6 ۔3۔ 6۔سے جبکہ پانچویں سیڈ اسپین کے ڈیوڈ فیرر نے ہم وطن ایلبرٹ راموس کو تین سیٹ میں 7 ۔6۔ 5 ۔ 7 6۔ 3 سے شکست دی جبکہ آٹھویں سیڈ کینیڈا کے ملوس رااینی نے فرانس کے چارڈک کو 6 ۔ 3۔ 6 ۔ 5 سے شکست دے کر تیسرے دور میں داخلہ حاصل کیا۔اسپین کے ہی رابرٹو بوٹسٹا نے ہم وطن پھرنودو ورداسکو کو 2 ۔6۔ 7 ۔6۔ 6 ۔سے دوسرے راؤنڈ میں شکست دی۔ منگل کو میڈرڈ کے سب سے بڑے ایوارڈ سے نوازے گئے دنیا نمبر ایک کھلاڑی اسپین کے رافیل نڈال دوسرے راؤنڈ میں غیر ترجیحی ارجنٹینا کے جوآن موناکو جبکہ ساتویں سیڈ ورٹین کے اینڈی مرے اسپین کے نکولس الماگرو سے مقابلہ کر اپنی مہم کی شروعات کریں گے ۔ سنگلز کے دوسرے راؤنڈ میں ایشیا کی نمبر کھلاڑی اور دوسری سیڈ چین کی لی نا نے ہم وطن کھلاڑی جھیگ جی کو مسلسل سیٹ میں 6 ۔2۔ 6 ۔3 سے جبکہ آٹھویں سیڈروس کی ماریا شاراپووا نے امریکہ کی کرسٹینا میکییل کو تین سیٹوں میں 6 ۔ 4 ۔6۔ 6 ۔ 4 سے شکست دے کر تیسرے دور کا ٹکٹ کٹالیا ۔