ممبئی: بالی وڈ اداکارہ ودیا بالن نے اپنی نئی فلم بوبی جاسوس کی پروموشن کے لیے ایک مقامی تعلیمی ادارے کا دورہ کیا جہاں وہ اپنے مداحوں سے جاسوسوں کی طرح ملیں اور طلباء کی حوصلہ افزائی کی۔ ودیا بالن نے کہا کہ انھوں نے فلم میں بارہ سے زیادہ گیٹ اپ کیے ہیں لیکن شائقین سے ملاقات کے لیے مجھے عام جاسوس کی طرح خصوصی ڈریسنگ کرنا پڑی۔ میں دیکھنا چاہتی تھی کہ میرے فین مجھے پہچان پائیں گے یا نہیں تاہم انھیں بھی دشواری کا سامنا کرنا پڑا۔ فلم کی کہانی پر بات کرتے ہوئے ودیا بالن نے کہا کہ فلم کی کہانی ایک جاسوس کے گرد گھومتی ہے جو جاسوسی کی دنیا میں بہت بڑا نام بنانا چاہتا ہے۔ انھوں نے کہا کہ فلم میں بہت سے بھیس بدل کر کردار نبھانا مجھے بہت اچھا لگا۔
–
