ورما نے شری نواسن کو روکنے کی آئی سی سی سے کی اپیل

نئی دہلی ۔کرکٹ ایسوسی ایشن آف بہار کے سیکرٹری آدتیہ ورما نے آئی سی سی کے صدر ایلن اساک کو خط لکھ کر آئی سی سی ایگزیکٹو بورڈ کی اگلے ماہ ہونے والی میٹنگ میں این شری نواسن کو اس کے پہلے چیئرمین کے طور پر حصہ لینے سے روکنے ک
ی درخواست کی ہے ۔ ورما نے اپنے خط میں الزام لگایا ہے کہ آئی سی سی نے آئی پی ایل کے گھوٹالہ میں اپنا منہ بند رکھا ہے اور سپریم کورٹ سے فیصلہ آنے تک اسے شری نواسن کو اجلاسوں میں شرکت سے روکنا چاہئے ۔ اپنے خط میں ورما نے آئی سی سی کے آئی پی ایل کے متعلق مسائل کے بارے میں معلومات نہیں کے فیصلے پر بھی سوال اٹھائے ہیں ۔ انہوں نے لکھا ہے آئی سی سی کے آپریشن سے متعلق قوانین کے مطابق اگر کسی کھلاڑی کا نام غیر قانونی سرگرمیوں میں آتا ہے تو یہ اس کی جانچ کرنا آئی سی سی کا فرض ہے ۔ لیکن مجھے افسوس ہے کہ آئی سی سی نے اب تک کسی طرح کی دلچسپی نہیں لی ہے ۔ ورما نے آئی سی سی پر طعنہ بھی کسا ہے اور کہا کہ آئی سی سی اب ‘ انڈیا سیمنٹ کرکٹ بن گیا ہے ۔ انہوں نے پوچھا ہے کیا آئی سی سی انڈیا سیمنٹ کرکٹ بن گیا ہے ؟انہوں نے اپیل کی ہے کہ تفتیش مکمل ہونے تک وہ شری نواسن کو آئی سی سی کے بورڈ کے چیئرمین کے طور پر کام کرنے سے روکے ۔ ورما نے کہا میں اپنی کیب کی طرف سے آپ سے پھر سے فوری طور پر مداخلت کرنے اور مجرم افراد کے خلاف مناسب کارروائی کرنے کی اپیل کرتا ہوں ۔آئی سی سی کو ہندوستانی قانون کا احترام کرنا چاہئے ۔ ملک کے سپریم کورٹ نے تفتیش مکمل ہونے تک بی سی سی آئی کے صدر کو کام کاج سے روکا ہے ۔