وطن واپسی پر سلمان نے گیتا کو دی مبارک باد

نئی دہلی: بالی ووڈ کے اسٹار اداکار سلمان خاں نے 15 سال بعد پاکستان سے واپس ہندوستان پہنچی گیتا کو مبارک باد دی ہے ۔
بالی ووڈ کے دبنگ خان سلمان نے سوشل میڈیا ٹوئیٹر پر اپنے پیغام میں کہا کہ ‘‘دونوں ملکوں نے ایک لڑکی کو واپس اپنے خاندان سے ملانے کیلئے ساتھ ملکر بہت کام کیا ہے ۔ گیتا کا گھر میں خیر مقدم ہے ۔پندرہ سال قبل غلطی سے سرحد پار کرکے پاکستان چلی گئی گیتا آج ہندوستان اور پاکستان کے بیچ اعلی سطح کی کوششوں کی وجہ سے واپس آئی ہے ۔سلمان حال ہی میں ریلیز ہوئی بجرنگی بھائی جان فلم میں غلطی سے ہندوستان آگئی ایک بچی کو پاکستان میں اسکے گھر پہنچا کر آتے ہیں۔