ولیمسن کی سنچری سے نیوزی لینڈ نے کسا شکنجہ

برجٹائون۔ نوجوان بلے باز کین ولیمسن کے کیریئر کے بہترین کارکردگی کی مدد سے نیوزی لینڈ نے ویسٹ انڈیز کے خلاف تیسرے اور آخری کرکٹ ٹیسٹ میچ پر مضبوط شکنجہ کس دیا۔ولیمسن نے ناٹ آئوٹ 161 رن کی اننگز کھیلی جس سے نیوزی لینڈ نے کل بارش سے متاثر چوتھے دن کا کھیل ختم ہونے تک اپنی دوسری اننگز میں سات وکٹ پر 331 رن بنائے اور اس کے کل 307 کی برتری حاصل ہو چکی ہے۔ ولیمسن ابھی تک چھ گھنٹے سے بھی زیادہ وقت کریز پر گزار چکے ہیں۔ انہوں نے 271 گیندوں کا سامنا کر کے 22 چوکے لگائے ہیں۔ دوپہر بعد موسلا دھار بارش کی وجہ سے کھیل میں رکاوٹ پڑی لیکن اس سے ولیمسن کا پریشان نہیں ہوا۔ اس سیریز میں انہوں نے اپنا شاندار کارکردگی جاری رکھ کر ابھی 413 رن بنا لئے ہیں۔ ولیمسن نے اپنی اننگ کے دوران کپتان برینڈن میک کولم 25 کے ساتھ چوتھے وکٹ کے لئے 67 رن، جمی نشام51 کے ساتھ پانچویں وکٹ کے لئے 91 رن اور بی جے واٹلنگ 29کے ساتھ چھٹے وکٹ کے لئے 79 رن کی تین اہم شراکت کی۔ ویسٹ انڈیز کی طرف سے کیمار روچ سب سے کامیاب گیند باز رہے۔ انہوں نے اب تک 55 رن دے کر چار وکٹ لئے ہیں۔ جیسن ہولڈر نے 26 رن دے کر دو اور جیروم ٹیلر نے 54 رن دے کر ایک وکٹ لیا ہے۔نیوزی لینڈ نے اپنی پہلی اننگز میں 293 رن بنائے تھے جس کے جواب میں ویسٹ انڈیز نے 317 رنز بنا کر 24 رنز کی معمولی برتری حاصل کی تھی۔