وین-ٹرک کے تصادم میں آٹھ افراد ہلاک نو زخمی

ٹیکم گڑھ:مدھیہ پردیش کے ٹیکم گڈھ ضلع ہیڈکوارٹر سے تقریباً 18 کلومیٹر دور ورما گاؤں کے نزدیک آج صبح وین اور ٹرک کے تصادم میں آٹھ افراد ہلاک اور نو دیگر زخمی ہو گئے ۔اضافی پولیس سپرنٹنڈنٹ راجیش خاکہ نے بتایا کہ جھانسی سے ٹیکم گڑھ کی سمت آنے والی وین کی ٹکر جھانسی-ٹیکم گڈھ کے راستے پر ورما گاؤں کے نزدیک سامنے سے آنے والے ایک ٹرک سے ہو گئی۔ حادثے میں وین سوار آٹھ افراد کی موقع پر موت ہو گئی اور نو دیگر زخمی ہو گئے جنہیں ضلع اسپتال میں داخل کرایا گیا ہے ۔ ہلاک شدگان میں سبھی مرد ہیں جو ٹیکم گڑھ ضلع کے مضافات کے گاؤں کے رہنے والے بتائے جا رہے ہیں۔بتایا جاتا ہے کہ وین میں سوار تمام افراد مزدوری کرنے کے لئے دہلی اور دیگر بڑے شہروں میں گئے تھے جو واپس لوٹنے پر جھانسی سے وین میں سوار ہوئے تھے ۔ وین جھانسی سے اخبار لے کر ٹیکم گڈھ آرہی تھی۔فی الحال ہلاک شدگان کی شناخت نہیں ہو پائی ہے ۔ تمام لاشوں کو پوسٹ مارٹم کے لئے ضلع اسپتال بھیجا گیا ہے ۔