وین کے درخت سے ٹکرانے سے پانچ ہلاک

بجنور:اتر پردیش کے ضلع بجنور میں آج جھنڈا پور لڈگاہ کے نزدیک ایک وین گاڑی کے سڑک کے کنار ے درخت سے ٹکرانے سے اس میں سوار پانچ افراد ہلاک ہوگئے اور چند دیگر زخمی ہوگئے ۔پولس کے ذرائع نے بتایا کہ یہ حادثہ گنج پولس تھانہ علاقے میں اس وقت پیش آیا جب گاڑی ڈرائیور کے قابو کے باہر ہوگئی۔گاڑی میں سوار چار افراد کی موقع پر ہی موت ہوگئی اور دیگر ایک کی موت اسپتال میں علاج کے دوران ہوگئی ۔زخمیوں کو نزدیکی اسپتال میں داخل کرایا گیا ہے ۔ہلاک شدگان کی شناخت دانش ،ساقب،محمود اورشکیل کے طور پر کی گئی ہے جبکہ پانچویں شخص کی شناخت ابھی نہیں ہوسکی ہے ۔پولس نے لاشوں کو پوسٹ مارٹم کے لئے بھیج دیا ہے ۔