وین کے ڈیوائیڈر سے ٹکراکر الٹ جانے کے سبب 7افراد زخمی

حیدرآباد:شہر حیدرآباد کے بالا نگر میں وین کے ڈیوائیڈر سے ٹکراکر الٹ جانے کے سبب 7افراد زخمی ہوگئے ۔
شہر حیدرآباد کے نواحی علاقہ ناچارم سے 29افراد کرناٹک میں درگاہ شریف کی زیارت کے بعد واپس ہورہے تھے کہ وین کے ڈرائیور نے توازن کھودیا اور یہ وین الٹ گئی ۔
زخمیوں کو گاندھی اسپتال منتقل کیا گیا ۔ یہ حادثہ آج صبح کی اولین ساعتوں میں پیش آیا ۔ بتایا جاتا ہے کہ ڈرائیور حالت نیند میں تھا ۔ پولیس نے اس سلسلہ میں معاملہ درج کرلیا ۔