ویڈیو کان نے پیش کئے کفایتی ۳جی اسمارٹ فون

نئی دہلی:موبائل فون بنانے والی گھریلو کمپنی ویڈیو کان موبائلس نے آج دو کفائتی ۳جی اسمارٹ فون پیش کرنے کا اعلان کیا۔ کمپنی نے یہاں بتایا کہ ویڈیو کان زیڈ ۵۱ پنچ اور ویڈیو کان زیڈ ۵۱ کیو اسٹار کی پیش کش کی گئی ہے جس کی قیمتیں ۵۹۹۹روپئے اور ۵۴۹۰ روپئے ہے۔ یہ دونوں اینڈرائڈ کٹکیٹ آپریٹنگ سسٹم، کواڈ کور پروسیسر ۳جی سے آراستہ ہے۔ نوجوانوں کو دھیان میں رکھتے ہوئے زیڈ ۵۱ پنچ میں آٹھ ایم پی کا ریئر اور پانچ ایم پی کا فرنٹ کیمرا دیا گیا ہے اس کی ریم ایک جی بی اور روم آٹھ جی بی ہے جسے ۳۲ جی بی تک بڑھایا جا سکتا ہے۔ اس میں تین ہزار ایم اے ایچ کی بیٹری ہے۔ اسی طرح سے زیڈ ۵۱ کیو اسٹار میں پانچ ایم پی کا ریئر اور دو ایم پی کا فرنٹ کیمرا ہے اس میں دو ہزار ایم اے ایچ کی بیٹری کے ساتھ ہی اس کی ریم ایک جی بی اور روم آٹھ جی بی ہے۔