٦٠ویں فلم ایوارڈ کیلئے عامر اورشاہد کپورمیں مقابلہ

ممبئی: 60واں فلم فئیر ایوارڈ رواں ماہ کی 31 تاریخ کو ہوگا جس میں بالی ووڈ کے ستارے اپنی چکا چوند پرفارمنس سے نہ صرف مداحوں کو محظوظ کریں گے بلکہ کئی ایوارڈ بھی حاصل کریں گے بہترین اداکار کے لیے عامرخان اور شاہد کپور جب کہ بہترین اداکار
ہ کے ایوارڈ کے لیے پریانکا چوپڑا اور کنگنا رناوت ایک دوسرے کے مدمقابل آگئی ہیں۔بھارتی میڈیا کے مطابق اس ایوارڈ کے لیے نامزدگیوں کو فائنل کردیا گیا ہے۔ بہترین فلم کے ایوارڈ کے لیے 2اسٹیٹس ،حیدر ،میری کوم ،پی کے اور کوئین نامزد کی گئی ہیں۔ بہترین ہدایتکار کے لیے 2اسٹیٹس کے ابھشیک ورمن ، اگلی کے انوراگ کیشپ ، پی کے کے راج کمار ہیرانی کوئین کے وکاس بھل اور حیدر کے لئے وشال بھردواج نامزد کیے گئے ہیں۔بہترین مرکزی کردار ادا کرنے والے اداکار کے لیے عامر خان ، شاہد کپور ، اکشے کمار ، ہرتیک روشن اور رندیپ ہودا کے مابین مقابلہ ہوگا۔بہترین مرکزی کردار ادا کرنے والی اداکارہ کے لیے پریانکا ، کنگنا ، عالیہ ،مادھوری ، سونم اور رانی مکھرجی ایک دوسرے کے سامنے ہیں۔بہترین معاون اداکار کے لیے کے کے مینن ،ابھشیک ، رتیش ، رونیت رائے اور طاہر رائے بھاسن نامزد ہیں۔امریتا سنگھ ،ڈمپل کپاڈیہ ، جوہی چاولہ ،لیزاہیڈن اور تبو کے درمیان بہترین معاون اداکارہ کے لیے مقابلہ ہوگا۔بہترین موسیقار کے لیے امیت ترویدی، انوپم امود، ہنی سنگھ، متھن، پریتم، ہمیش رشمیا نامزد ہوئے ہیں۔