ٹائمس سلیبکس کی فہرست میں عامر اور انوشکا نمبرایک مقام پر

ممبئی۔ 9فروری (یو این آئی) ٹائمس سلیبکس ویب سائٹ کے سروے میں بالی ووڈ کے مسٹر پرفیکشنسٹ عامر خان اور اداکارہ انوشکا شرما پہلے نمبر پر رہے ہیں۔ٹائمس سیلیبکس کے سروے کے دوران عامر خان نے سلمان خان، شاہ رخ خان، اجے دیوگن اور امیتابھ بچن کو سخت ٹکر دیتے ہوئے پہلا مقام حاصل کیا ۔ دسمبر میں کرائے گئے اس سروے میں عامر خان کو 62پوائنٹ جبکہ سلمان خان کو 39پوائنٹ، شاہ رخ خان کو 38پوائنٹ، اجے دیوگن کو 31.5پوائنٹ اور امیتابھ بچن کو 29پوائنٹ ملے ہیں۔رنویر کپور (25پوائنٹ ) چھٹے ، اکشے کمار(22پوائنٹ ) ساتویں، رتک روشن (20پوائنٹ) آٹھویں، سنجے دت ( 19.5پوائنٹ)نویں اور ارجن کپور (19پوائنٹ) دسویں نمبر پر رہے ۔اداکاراؤں میں انوشکا شرما 49.5پوائنٹ کے
ساتھ پہلے نمبر پررہیں جبکہ پرینکا چوپڑا (42پوائنٹ)، دوسرے ، سوناکشی سنہا (38پوائنٹ) تیسرے ، دیپیکاپڈوکون (36پوائنٹ) چوتھے ، قرینہ کپور (32.5پوائنٹ) پانچویں نمبر پر رہیں۔سونم کپور (23پوائنٹ)چھٹے ، یامی گوتم (19.5پوائنٹ)ساتویں، کیٹرینہ کیف (19پوائنٹ) آٹھویں، عالیہ بھٹ (18.5پوائنٹ)نویں اورمادھوری دکشت (18پوائنٹ)کے ساتھ دسویں نمبر پر رہیں۔خیال رہے کہ ٹائمس سیلیبکس ویب سائٹ بالی ووڈ ستاروں پر پوائنٹ کی فہرست ان کی فلموں کی باکس آفس پر کامیابی، ان کے نیوز میں رہنے ، ان کے ذریعہ کئے گئے اشتہار ، سوشل نیٹورکنگ سائٹ اور انٹرنیٹ پر ان کی سرگرمی کو دیکھ کر تیار کرتی ہے ۔